6th of the Bohairic B :: Ⲍⲉⲟϣ ⲛ̀ϫⲉ ⲛⲉⲉⲩⲫⲟⲙⲓⲁ :: السادس من البحيري - 2

Ⲍⲉⲟϣ ⲛ̀ϫⲉ ⲛⲉⲉ̀ⲩⲫⲟⲙⲓⲁ: ⲛⲉⲙ ⲛ̀ϭⲓⲥⲓ ⲛ̀ⲧⲉ ⲡⲟⲗⲓⲧⲓⲁ: ⲱ̀ ϯϣⲉⲗⲉⲧ ⲙ̀ⲙⲏⲓ Ⲙⲁⲣⲓⲁ: ϯⲥ̀ⲕⲩⲛⲏ ⲛ̀ⲕⲁⲑⲁⲣⲟⲥ.

Ⲫⲏⲁ̀ⲧⲥⲏⲟⲩ ⲱ̀ ϯⲠⲁⲣⲑⲉⲛⲟⲥ: ⲁϥⲥⲱⲧⲡ ⲙ̀ⲙⲟ ϧⲁϫⲱⲟⲩ ⲛ̀ⲛⲓⲭ̀ⲣⲟⲛⲟⲥ: ⲉⲑⲣⲉϣⲱⲡⲓ ⲛⲁϥ ⲛ̀ⲟⲩⲑ̀ⲣⲟⲛⲟⲥ: ⲱ̀ ⲡⲓϩⲁⲣⲙⲁ ⲛ̀ⲛⲟⲏ̀ⲧⲉ.

Ⲧⲉϭⲟⲥⲓ ⲉ̀ϯⲕⲓⲃⲱⲧⲟⲥ: ⲛⲉⲙ ⲛⲓⲡ̀ⲗⲁⲝ ⲛⲉⲙ ⲡⲓⲥ̀ⲧⲁⲙⲛⲟⲥ: ⲉⲑⲃⲉ ⲫⲁⲓ ⲡⲓⲡⲁⲣⲁⲇⲓⲥⲟⲥ: ⲉϥⲣⲁϣⲓ ⲉϥⲉ̀ϣⲗⲏⲗⲟⲩⲓ̀.

Ϫⲉ ⲁ̀Ⲫϯ ⲛ̀Ⲁⲃⲣⲁⲁⲙ: ⲁϥⲥⲟⲩⲧⲱⲛ ⲧⲉϥⲟⲩⲓ̀ⲛⲁⲙ: ⲛⲓⲙⲏϣ ⲉⲩⲁ̀ⲙⲟⲛⲓ ⲛⲉⲙ Ⲁ̀ⲇⲁⲙ: ⲁϥⲟ̀ⲗⲟⲩ ⲉ̀ϧⲟⲩⲛ ⲉ̀ⲣⲟϥ.

Ⲙⲁⲣⲉⲛϯⲱ̀ⲟⲩ ⲛ̀ϯⲁ̀ⲅⲓⲁ: ϧⲉⲛ ϩⲁⲛⲥ̀ⲙⲏ ⲛ̀ⲇⲟⲝⲟⲗⲟⲅⲓⲁ: ϫⲉ ⲭⲉⲣⲉ ⲣⲁϣⲓ ⲱ̀ Ⲙⲁⲣⲓⲁ: ⲟ̀ Ⲕⲩⲣⲓⲟⲥ ⲙⲉⲧⲁ ⲥⲟⲩ.