Doxology Adam :: ذكصولوجية آدام

*Ϯⲟⲩⲱϣ ⲛ̀ⲧⲁⲉⲣ ⲟⲩϭⲣⲟⲙⲡⲓ: ⲛ̀ⲧⲁϩⲁⲗⲁⲓ ⲛ̀ⲧⲁϩⲱⲗ: ϣⲁ ⲡⲓⲥⲡⲉⲗⲉⲟⲛ, ⲛ̀ⲧⲉ ⲁⲃⲃⲁ Ⲙⲟⲩⲥⲏ.

**Ⲛ̀ⲧⲁⲟⲩⲱϣⲧ ⲉϧ̀ⲣⲏⲓ ⲉϫⲉⲛ ⲛⲉϥⲗⲩⲙⲫⲁⲛⲟⲛ: ⲙ̀ⲡⲁⲧⲟⲩⲟⲗϥ: ⲉⲃⲟⲗ ϧⲉⲛ ⲡⲓⲥⲡⲉⲗⲉⲟⲛ.

*Ⲛ̀ⲧⲁϯϩⲟ ⲉⲣⲟϥ: ⲛ̀ⲧⲉϥⲧⲱⲃϩ ⲙ̀Ⲡⲟ̅ⲥ̅: ⲉϩ̀ⲣⲏⲓ ⲉϫⲉⲛ ⲛⲓⲛⲟⲃⲓ: ⲛ̀ⲧⲉ ⲧⲁⲯⲩⲭⲏ.

**Ⲛ̀ⲧⲉϥⲭⲱ ⲛⲏⲓ ⲉⲃⲟⲗ: ⲙ̀ⲡⲁⲧⲉⲥⲓ̀ ⲉⲃⲟⲗ ϧⲉⲛ ⲡⲁⲥⲱⲙⲁ: ⲛ̀ϫⲉ Ⲡⲭ̅ⲥ̅ Ⲡⲉⲛⲛⲟⲩϯ: ⲫⲁ ⲛⲓⲙⲉⲧϣⲉⲛϩⲏⲧ.

*Ⲛ̀ⲧⲁϫⲓⲙⲓ ⲛ̀ⲟⲩⲛⲁⲓ: ⲙ̀ⲡⲉϥⲙ̀ⲑⲟ: ⲉⲃⲟⲗ ⲛⲉⲙ ⲟⲩⲡⲁⲣⲣⲏⲥⲓⲁ: ϧⲉⲛ ⲧⲉϥⲙⲉⲧⲟⲩⲣⲟ.

**Ϩⲓⲧⲉⲛ ⲛⲓⲉⲩⲭⲏ, ⲛ̀ⲧⲉ ⲡⲉⲛⲓⲱⲧ ⲁⲃⲃⲁ Ⲙⲱⲥⲏ: Ⲡⲟ̅ⲥ̅ ⲁⲣⲓϩ̀ⲙⲟⲧ ⲛⲁⲛ ⲙ̀ⲡⲓⲭⲱ ⲉⲃⲟⲗ ⲛ̀ⲧⲉ ⲛⲉⲛⲛⲟⲃⲓ.