Special Hymn :: لحن خاص

Ⲁϥⲣⲉⲕ ⲧ̀ϥⲉ...

Ⲃⲁⲣⲁⲗⲉⲝ

Ⲧⲟⲧⲉ ⲣⲱⲛ ⲛⲁϧⲓⲥⲓ ⲁⲛ: ⲟⲩⲟϩ ⲡⲉⲛⲗⲁⲥ ⲛⲁⲭⲁⲣⲱϥ ⲁⲛ: ⲉⲛⲥⲁϫⲓ ⲙ̀ⲡ̀ⲱⲟⲩ ⲛⲉⲙ ⲡ̀ⲧⲁⲓⲟ̀: ⲙ̀ⲡⲓⲇ̅(ϥ̀ⲧⲟⲩ) ⲛ̀ⲍⲱⲟⲛ ⲛⲁ̀ⲥⲱⲙⲁⲧⲟⲥ.

Ⲛⲁⲓ ⲉ̀ⲧⲁ Ⲫϯ ⲥⲱⲧⲡ ⲙ̀ⲙⲱⲟⲩ: ⲁϥⲁⲓⲧⲟⲩ ⲛ̀ⲑ̀ⲣⲟⲛⲟⲥ ⲛⲁϥ: ⲉⲑⲣⲉϥ ⲙ̀ⲧⲟⲛ ⲙ̀ⲙⲟϥ ⲉϫⲱⲟⲩ: ϣⲁ ⲉ̀ⲛⲉϩ ⲛ̀ⲧⲉ ⲡⲓⲉ̀ⲛⲉϩ.

Ⲇⲁⲩⲓⲇ ⲅⲁⲣ ⲡⲓϩⲏⲙⲛⲟⲇⲟⲥ: ϫⲱ ⲙ̀ⲡ̀ⲧⲁⲓ̀ⲟ ⲛ̀ⲧⲟⲩⲙⲉⲧⲛⲓϣϯ: ϧⲉⲛ ⲟⲩⲥ̀ⲙⲏ ⲙ̀ⲡ̀ⲣⲟⲫⲏⲧⲓⲕⲟⲛ: ⲙ̀ⲡⲁⲓⲣⲏϯ ⲉϥϫⲱ ⲙ̀ⲙⲟⲥ.

Ϫⲉ ⲁϥⲟⲗϥ ⲉ̀ϫⲉⲛ Ⲛⲓⲭⲉⲣⲟⲩⲃⲓⲙ: ⲁϥϩⲁⲗⲁⲓ ⲉ̀ϫⲉⲛ ⲛⲓⲧⲉⲛϩ ⲛ̀ⲧⲉ ⲛⲓⲑⲏⲟⲩ: ⲁϥⲭⲱ ⲛ̀ⲟⲩⲭⲁⲕⲓ ⲛ̀ⲗⲓⲝ ⲛⲁϥ: ⲥ̀ⲕⲱϯ ⲉ̀ⲣⲟϥ ⲛ̀ϫⲉ ⲧⲉϥⲥ̀ⲕⲩⲛⲏ.

ⲚⲓⲬⲉⲣⲟⲩⲃⲓⲙ ⲉ̀ⲧⲁϥ ⲟⲗϥ ⲉ̀ϫⲱⲟⲩ: ⲛ̀ϫⲉ Ⲡ;ⲓⲉⲝⲥⲗⲑ Ⲫϯ ⲛ̀ⲧⲉ ⲛⲓϫⲟⲙ: ⲡⲓⲇ̅(ϥ̀ⲧⲟⲩ) ⲛ̀ⲍⲱⲟⲛ ⲛ̀ⲁ̀ⲥⲱⲙⲁⲧⲟⲥ: ⲛ̀ⲗⲓⲧⲟⲩⲣⲅⲟⲥ ⲛ̀ϣⲁϩ ⲛ̀ⲭ̀ⲣⲱⲙ.

Ⲉⲩⲱϣ ⲉ̀ⲃⲟⲗ ⲉⲩϫⲱ ⲙ̀ⲙⲟⲥ: ϫⲉ ⲁ̀ⲅⲓⲟⲥ ⲁⲅⲓⲟⲥ: ⲁⲅⲓⲟⲥ: ⲁ̀ⲑⲁⲛⲁⲧⲟⲥ: ⲥⲁⲃⲁⲱⲑ ⲱ̀Ⲑⲉⲟⲥ Ⲕⲩⲣⲓⲟⲥ.

Ⲁⲣⲓⲡ̀ⲣⲉⲥⲃⲉⲩⲓⲛ ⲉ̀ϩ̀ⲣⲏⲓ: ⲱ̀ ⲡⲓϥ̀ⲧⲟⲩ...